Кніга складаецца з чатырох самастойных раздзелаў: у раздзеле "Агульныя пытанні тэорыі словаутварэння" на беларускім моўным матэрыяле разглядаюцца пытанні іерархічнай класіфікацыі адзінак словаўтварэння і ўплыву граматычных катэгорый на арганізацыю сістэмы словаўтварэння; раздзел "Граматычныя аспекты беларускага словаўтварэння" змяшчае граматычны нарыс сістэмы словаўтварэння часцін мовы ў беларускай мове, а таксама матэрыялы, прысвечаныя даследаванню асобных фрагментаў словаўтваральнай сістэмы; раздзел "Інавацыйныя працэсы ў сучасным беларускім словаўтварэнні" прысвечаны разгляду асноўных тэндэнцый развіцця сістэмы беларускага словаўтварэння ў канцы XX - пачатку XXI стагоддзяў: працэсам інтэрнацыяналізацыі і нацыяналізацыі ў параўнанні з аналагічнымі працэсамі ў рускай і ўкраінскай мовах; у раздзеле "Супастаўляльныя аспекты словаўтварэння" разгледжаны асноўныя падыходы да супастаўляльнага апісання словаўтваральных сістэм беларускай і рускай моў.
У кнігу ўключаны як ужо апублікаваныя артыкулы, так і матэрыялы, якія публікуюцца ўпершыню. (EV)