Аўтар прапануе разглядаць іронію не як разнавіднасць тропа, а як адзін з намінатыўных спосабаў выражэння моўнікам прагматычнага стаўлення да прадмета маўлення. Такім чынам пра іронію можна гаварыць як пра лексічную (анамасіялагічную) катэгорыю. На матэрыяле дыялектнага слоўніка Г.Ф. Юрчанкі "Народнае вытворнае слова. З гаворкі Мсціслаўшчыны. Р-Я" (Мінск, 1985) аўтар спрабуе вызначыць словаўтваральныя мадэлі, у межах якіх адбываецца лексікалізацыя іранічнага зместу. (EV)